తెలంగాణ రాష్ట్ర ప్రభుత్వం ప్రతిష్టాత్మకంగా నిర్వహించతలపెట్టిన బతుకమ్మ ఉత్సవాలకు కాంగ్రెస్ అధినేత్రి సోనియా గాంధీని ఆహ్వానించాలంటూ ఆ పార్టీ నేతలు డిమాండ్ చేస్తున్నారు. తెలంగాణ రాష్ట్రాన్ని ఇచ్చింది సోనియా అనే విషయాన్ని కేసీఆర్ గుర్తుంచుకోవాల్సిన అవసరముందని మాజీ మంత్రి డికె అరుణ అభిప్రాయపడ్డారు. పార్టీని పనంగా పెట్టి సాహసోపేత నిర్ణయాన్ని తీసుకున్న సోనియాను తెలంగాణ ప్రజలు ఎప్పటికి కృతజ్ఞతతో చూడాలని ఈమె చెప్పుకొచ్చారు.
కేంద్ర మంత్రులను, ఎంపీలను, విదేశాల నుండి మహిళలను ఆహ్వానిస్తున్న కేసీఆర్ సోనియాను ఎందుకు వద్దనుకుంటున్నాడని అరుణ ప్రశ్నించారు. సోనియా వల్లే తెలంగాణ వచ్చిందని గుర్తుంచుకోవాలిసోనియా గాంధీగారితో పాటు అన్ని పార్టీలకు చెందిన మహిళా ఎమ్మెల్యేలను, నాయకురాలను ఆహ్వనించాలని డిమాండ్ చేశారు. మెదక్ ఉపఎన్నికల గురించి ఈమె మాట్లాడుతూ.. ప్రభుత్వ పనులను మానేసి మంత్రులు, ఎమ్మెల్యేలంతా కూడా మెదక్ ఉపఎన్నికల్లో ప్రచారం నిర్వహించారు. అది వారి పరిస్థితిని తెలియజేస్తుందని ఈమె ఎద్దేవా చేశారు. ఇక ఈనెల 17న విమోచన దినోత్సవాన్ని ప్రభుత్వం లాంచనంగా నిర్వహించాలంటూ కాంగ్రెస్ నేతలు కోరుతున్నారు.
No comments:
Post a Comment