రామ్గోపాల్ వర్మ ఏం చేసినా వైవిధ్యంగా ఉంటుంది. ఈయన తెలుగు చలన చిత్రానికి కొత్త హంగులు అద్దేందుకు ప్రతయ్నాలు చేస్తున్నాడు. ఇటీవలే బడ్జెట్ లేకుండా ‘ఐస్క్రీం’ సినిమా తీసి చర్చనీయాంశమయిన వర్మ తాజాగా ‘అనుక్షణం’ చిత్రాన్ని కొత్త పద్దతిలో పంపిణీ చేస్తూ అందరి దృష్టిని ఆకర్షిస్తున్నాడు. ఈ కొత్త పద్దతి ద్వారా సినిమా మొత్తం ఒక్కరి చేతికి వెళ్లకుండా సినిమాపై ఆసక్తి ఉన్నవారు కొనే అవకాశముంది. ఇక తాజాగా ‘అనుక్షణం’ చిత్రంతో మరో ప్రయోగానికి శ్రీకారం చుట్టాడు వర్మ.
మంచు విష్ణు, తేజస్వి జంటగా తెరకెక్కిన ‘అనుక్షణం’ చిత్రాన్ని ఇంటర్వెల్ లేకుండా విడుదల చేయబోతున్నాడు వర్మ. తక్కువ నిడివితో రాబోతుందేమో తెలుగు సినిమాల నిడివి సహజంగా రెండున్నర గంటలుంటుంది. అందులో సగం టైం తర్వాత ఇంటర్వెల్ ఉంటుంది. ఇలాగే తెలుగు ప్రేక్షకులు అలవాటు పడ్డారు. కాని తాజాగా ‘అనుక్షణం’ చిత్రానికి మాత్రం ఇంటర్వెల్ లేకుండా ఏకధాటిగా సినిమా ఉండనుందని చిత్ర యూనిట్ ప్రకటించింది. హాలీవుడ్ సినిమాలు గంటన్నర నిడివితో ఇంటర్వెల్ లేకుండా ఉంటాయి. మరి ‘అనుక్షణం’ కూడా తక్కువ నిడివి ఉండటం వల్ల ఇంటర్వెల్ ఇవ్వలేదేమో అనే టాక్ వినిపిస్తోంది. ఈ చిత్రం ఈనెల 12న ప్రేక్షకుల ముందుకు రాబోతున్న విషయం తెల్సిందే.
No comments:
Post a Comment