తెలుగు చిత్ర పరిశ్రమకు చెందిన ప్రముఖ హీరో మోహన్ బాబు ప్రయాణిస్తున్న కారును మాదాపూర్‌లోని విఠల్‌రావునగర్‌లో గుర్తు తెలియని క్యాబ్ కారు ఢీ కొట్టింది. దీంతో ఆయన ప్రయాణిస్తున్న కారు స్వల్పంగా దెబ్బతింది. ఈ ప్రమాదంలో మోహన్‌బాబుకు ఎటువంటి ప్రమాదం జరగలేదు.
సంఘట అనంతరం ఆయన నేరుగా ఇంటికి వెళ్లిపోయారు. ఈ విషయం తెలుసుకున్న మాదాపూర్‌ పోలీసులు సంఘటన స్థలానికి వెళ్లి పరిశీలించారు. కొద్ది సేపటికి మాదాపూర్‌ పోలీసులకు ఫోన్‌ చేసి తనకు ఎలాంటి ప్రమాదం జరగలేదని మోహన్‌బాబు తెలిపారు.
అయితే ఈ ప్రమాదం జరగడానికి గుర్తు తెలియని క్యాబ్ డ్రైవర్ నిర్లక్ష్యమే కారణమని మోహన్ బాబు కారు డ్రైవర్ చెపుతున్నాడు. మితిమీరిన వేగంతో వచ్చిన క్యాబ్ ఒక్కసారిగా తమ కారును ఢీకొట్టగా, తాను అప్రమత్తమై ప్రమాద తీవ్రతను కొంతమేరకు తగ్గించగలిగినట్టు వివరించాడు.
No comments:
Post a Comment